Санкт-Петрбургда ишлаëтган таниқли геолог олим Абдуҳамид Пўлатов OzodNazar дастурида қатнашиб Ўзбекистоннинг пост-каримов даврига оид қатор мақолаларимизга изоҳ берди.
Суҳбатдошга кўра¸ Ўзбекистондаги жаҳолатнинг кучайгани боис демократия қадрият ўлароқ эсдан чиқиб бўлган:
- Кимнидир сайласак дейишмайди¸ фалончи подшо бўлса дейишади. Бу гапни авом эмас¸ қўлида дипломи борлар ҳам айтаяпти. Булар қамчисиз ҳам бошқариладиган подага айланиб бўлган¸ дейди геолог олим.
Абдуҳамид Пўлатов суҳбат давомида¸ немис журналистининг Ўзбекистондан қувилиши¸ долларнинг рекорд кўрсаткичи ва Самарқандда Каримов ҳайкали қурилиши каби мавзуларга ҳам муносабат билдирди.
