Президент Шавкат Мирзиëевнинг 2019 йил 4 сентябрь кунги диний вазиятни барқарорлаштиришга доир махфий қарори қабул қилингандан буëн Озодликка келаëтган хабар ва маълумотлар унда берилган топшириқларнинг айтилган шаклда ижро этилаëтганини тасдиқламоқда. Озодликнинг “Қурултой” эшиттиришда бу махфий қарор қабул қилинганидан бери ўтган қарийб икки ой давомида мамлакат диний сиëсати қай тарафга ва қандай ўзгарганини мухокама қилдик.
Қурултойда қатнашган инсон ҳуқуқлари фаоли Аъзам Турғуновга кўра¸ кейинги икки ой ичида Ўзбекистондаги диний вазият Каримов давридаги вазиятга яқинлашиб қолган.
Психолог олим ва шоир Махмуджон Йўлдошевнинг фикрича, “Давлатнинг дунëвийлик принципларини сақлаш ҳукумат ва хавфсизлик тизимларининг тамал вазифасидир".
Эшиттиришда Озодлик журналисти Замира Шукур ва Наманган шаҳридаги диний доира вакили Аббос Асад ҳам иштирок қилди.
